Nakabalik na sa Pilipinas ang TV host at eventologist na si Tim Yap makaraang mawala ng isang linggo nang magpunta siya sa New York para sa ilang trabaho at bakasyon na rin. Kaagad din siyang nag-report kahapon, August 19, sa trabaho niya bilang host sa Q-11 showbiz program na Tweetbiz para patunayan na rin sa mga tao na hindi totoo ang napapabalitang tampuhan o awayan daw nila ng co-host niyang si Mr. Fu.
May pasalubong pang t-shirt at coffee mug si Tim para kay Mr. Fu at biruan nga nilang dalawa, para "magkape" na raw silang magkasama nang maging super close na sila. Nakunan pa ng litrato ng PEP (Philippine Entertainment Portal) ang dalawa na magkasama habang hawak ang kanilang coffee mugs.
NO TENSION WITH MR. FU. Nauna nang na-interview ng PEP si Mr. Fu tungkol sa kanilang tampuhan isyu. (CLICK HERE to read related story.) Kaya kahapon nga ay si Tim naman ang hiningan namin ng paglilinaw para once and for all ay matuldukan na ang isyung ito.
Kumusta ang muling pagkikita nila ni Mr. Fu matapos pumutok ang intrigang may tampuhan sila?
"Wala, e, di harapan. Gaya pa rin ng dati, okay kami. Walang naging tensiyon. Wala namang problema at all," sunud-sunod na sabi ni Tim. "Kasi nung nalaman ko kaagad yun, tinext ko na siya agad. Nag-explain na kaagad siya sa akin via text. And ako naman yung taong hindi mahirap explain-an.
"Sabi ko naman, 'Mr. Fu, alam ko where you're coming from. Your words were misquoted and your perceptions were twisted. Pero alam ko yung pinanggagalingan mo. Hindi ka naman ganyang klaseng tao na hindi mo naman ako ipu-put down para lang sa ikasisikat ng kung anumang pino-promote mo at that time.'"
Nagulat daw si Tim sa isyu dahil hindi niya alam kung paano ito nagsimula.
"Alam mo, hindi ko talaga alam kung saan nanggagaling 'yang tungkol sa haka-haka, doubting our closeness," sabi niya. "Kasi ako, may sinabi sa akin si Gretchen [Barretto] dati, na when you're doing a show, mahirap maging close ang mga tao kasi parang lahat nandiyan lang and pagkatapos ng trabaho, they don't keep in touch.
"You know, ako, I beg to disagree. Para sa akin, pag kasama ko sa trabaho... Ang buhay ko puno ng trabaho. So, habang nagtatrabaho ako, gusto ko yung mga kasama ko, kaibigan ko talaga sila. Hindi ako yung tipo ng tao na porke nagtatrabaho tayo, hanggang dito lang yun. Dahil bago tayo mag-shoot, we share secrets with each other, we share moments with each other. Mismong pag nagtatrabaho tayo, magkasama tayo on-cam or off-cam, a moment with each other. And that's what friends share yung moment."
NOT COFFEE BUDDIES? Nagsalita rin si Tim tungkol sa hindi raw nila "pagkakape" na magkasama ni Mr. Fu.
"Hindi kailangang magkape para sa akin. Hindi kailangan na magkasama kayo pagkatapos. Dahil pagkatapos naman ng taping, marami naman akong iba pang ginagawang trabaho. Ganun ang buhay ko. Hindi naman kailangang gumimik magkasama para maging magkaibigan, di ba?
"Para sa akin, hindi yun ang basehan. Kasi hindi naman siya magimik, paano kami gigimik? Ako magimik ako, e, siya hindi naman gumigimik. Siya hindi nagkakape, ako hindi rin nagkakape. So paano, kami magkakape together?" natatawang sabi ni Tim.
Ano ang masasabi niya sa statement ni Mr. Fu na friends sila pero hindi sila super close friends?
"Actually, yun ang pagkakaiba siguro namin. Para sa akin, close kami, sa totoo lang."
So, na-hurt ba siya rito?
"Medyo, para nawala rin agad kasi alam ko namang hindi naman niya mini-mean yun ng ganun. Alam mo yun, siguro sa kanya, ganun ang paningin niya and I respect that. Sa akin, okay lang. Kaya nung nalaman ko yun, tinext ko siya agad na, 'Hindi pala tayo friends?' Pero parang patawa lang. Kasi alam mo, hindi ko naman sineseryoso yung ganun klaseng statement na ginawa niya over a show."
RUFFA'S TWEET. Pero totoo bang nag-text o nag-tweet si Ruffa Gutierrez sa kanya?
"Nag-tweet si Ruffa talaga," pag-amin ni Tim. "Yung quote nga niya na, 'According to Mr. Fu, Tim Yap and I are not friends. We don't go coffee together.' Mga ganun. Tweet ni Ruffa yun, e. So, I respect yung tweet niya. Hindi ito pagmumulan ng another tampuhan issue. Kung yun ang perception niya, di ba? E, kung yun naman ang perception ni Mr. Fu. Pero ako kasi yung mga itinuturing kong kaibigan, the mere fact na I spend time with them, I feel really close to them. So, iba-iba ang perception at pagtanggap ng tao sa kanya-kanyang friendship."
Paano niya ide-describe ang friendship nila ni Mr. Fu?
"For me, our friendship is still growing and it's okay. Hindi naman kailangan nasa peak agad kami na best friends na kami kaagad. We're discovering each other as we go along. Hindi naman perfect kahit anong friendship, di ba? But I really feel close to him. And I feel I can tell him stuffs which I have been doing. He's become a confidante of sorts for me."
May pakiusap naman si Tim sa mga taong gustong sirain ang friendship nila.
"Para sa akin, let's always look at the bright side. Let's not look sa kung anuman ang ikasisira ng isang tao kundi yung ikagaganda ng relationship nila para rin sa ikagaganda ng relationship ninyo sa ibang tao. Let's inspire each other kaysa resort to desperate means in trying to destroy other people's friendship," saad niya.
NOT PLAYING GOD. Isa pang isyung nilinaw ni Tim ay ang tungkol sa diumano'y pagiging malapit niya raw sa network management kaya umano ay nagpe-"play god" at "bossy" daw siya. Isang halimbawa nga raw ay siya umano ang nagpatanggal sa dati nilang co-host sa Tweetbiz na si Sam YG.
Nasasaktan ba siya rito?
"Alam mo, nasasaktan ako para kay Sam kasi bawat beses na pag-usapan ito, laging nadidiin yung pagkatanggal daw niya. Umalis si Sam sa show because he has his reasons. Nagbigay pa nga ako, kami sa show, ng gifts bago siya umalis. Wala akong kinalaman sa pag-alis niya sa show. I care for Sam and up to now, pag nagkikita kami, masaya kasi wala kaming problema sa isa't isa."
Ngayon naman may nagsasabing kapag natanggal daw si Mr. Fu sa Tweetbiz ay si Tim na naman daw ang dahilan. Ano ang reaksiyon niya rito?
"Hayaan mo sila. Alam ko naman ang totoo. Alam ng mga tao dito sa show ang totoo. At uulit-ulitin ko na magkaibigan kami ni Mr. Fu. Wala naman akong magagawa kung unfair ang pag-judge ng mga tao sa akin."
Ano ang comment niya sa umano'y pagpe-"play god" niya raw?
"Ako pa!" sambit niya. "Kahit tanungin n'yo lahat ng tao dito sa Tweetbiz, maayos ang pakitungo ko sa kanila hanggang sa pinakamababang staff. I don't play god. As much as possible I'm being good to all people. Ano naman ang karapatan ko to play god? That's so not true."
SPORTS' LIVING LEGENDS. Nagpunta ng New York si Tim para mag-cover ng World Basketball Festival doon at nakapag-interview siya ng mga sikat na NBA superstars gaya nina Kobe Bryant at Kevin Durant.
Kauuwi niya lang ng bansa noong Miyerkules ng gabi, August 18, pero aalis na naman siya ngayong araw, August 20, papuntang Singapore.
"Kasama ko si Manny Pacquiao," banggit niya. "So, from the basketball legends to the boxing legend of the world. Si Manny kasi, hindi pa nakakapunta ng Singapore, it's gonna be his first time. So, the Singapore Tourism Board said, 'Sige, come on.'
"I'm gonna be with Manny sa Singapore, tapos yun, mayroon siyang isu-shoot for Show Me Da Manny. Tapos meron ding kukunan doon ang Tweetbiz and Showbiz Central at iba pang shows ng GMA."